نصرة النبي

[جوهر الراوي]

الله المعبود في نصـرة نبيّـه=ونصرته فارقاب كل المسلمينـا
يا أمة الإسلام هبـي للحميّـه=دون قدوتنا وسيـد المرسلينـا
الرسول الحق لعمـوم البريّـه=مصطفيـه الله رب العالميـنـا
أرسله بالدين والحجـه قويّـه=وأزهق الباطل وكيد المشركينـا
والتخاذل والنفاق أدهى دهيّـه=من تصيبه للكفر يصبح عوينـا
جعلهم فالدرك الأسفل فاللظيّـه=من تخاذل خاسر دنيـا ودينـا
وكان فيه قلوب فالأجسام حيّـه=تنتهض وتقوم في وجه اللعينـا
الكفر جتنـا مصايبهـم رزيّـه=في صحافتهم على الشاشه قرينا
وناشر الإسلام معصوم الخطيّه=السعد في سيرته طول السنينـا
يا ولي العرش عـلاّم الخفيّـه=رد يالمعبـود كيـد الظالمينـا
والرسول المصطفى حقه عليّـه=أفتديه بكل مملـك مـن ثمينـا
أفتديه بروحـي الغـرّا هديّـه=يا أمة الإسلام ذا حقـه علينـا
والمقاطـع للبضائـع للمعيّـه=والوسائل كل أبوها فـي يدينـا
وعد همّال المطر صبح وعشيّه=الصلاة ختام لأغلـى العالمينـا

اللهم صلي على سيدنا ونبينا وحبيبنا محمد وعلى آله وصحبه والتابعين ومن تبعهم إلى يوم الدين وسلّم تسليما كثيرا .