المشكــــلة........!!

[salahb]

نخلي في الحفلة الرقيص ما مشكلة
والفركة ماتكون قرمصيص ما مشكلة
يبقي الاحد يوم الخميس ما مشكلة
المشكلة بناتنا ما يلقن عريس
***************************
لو قلتو لي كيجاب غرق ما مشكلة
ادروب ما يمشي الشرق ما مشكلة
يبقي الرعد بدون برق ما مشكلة
المشكلة البيت يكون من دون مرق
***************************
ناس الموردة يخلو السمك ما مشكلة
يبقي المرمي من دون شبك ما مشكلة
لو البرنس يلبس كبك ما مشكلة
المشكلة مريخنا عصلج وارتبك
**************************
قيمنا تصبح كوم رماد ما مشكلة
السوق يغطيه الكساد ما مشكلة
تبقي الرياض كاب الجداد ما مشكلة
المشكلة الناس تنوم وقت الحصاد
**************************
ناس مدني ينسو ابو اللمين ما مشكلة
الحركة ما تكون باليمين ما مشكلة
خريفنا يفشل في الضعين ما مشكلة
المشكلة ما نلقي تاني خروف سمين
**************************
تبقي الخرطوم من غير ألق ما مشكلة
المريخ يقوم يشطب قلق ما مشكلة
المشكلة نلقي الدولار تاني انطلق

[salahb]

لو عثمان إعرس بت رباب ما مشكلة
لو رباب خلت النقاب ما مشكلة
لو القمرية انقلبت غراب ما مشكلة
المشكلة انو الدنيا اخرها كوم تراب

************************
لو بت حمدون بتسوي ليك من السنبر كباب ما مشكلة
لو رجعنا نلعب كورة شراب ما مشكلة
لو بشيلو مننا زكاة بلا نصاب ما مشكلة
المشكلة انو حياتنا كلها إغتراب
****************************
لو عثمان اخوي عندو معهد فهد ما مشكلة
لو قلب إجازتو من الجمعة لي يوم الاحد ما مشكلة
لو كبا الزوغة وشرد ما مشكلة
المشكلة انو الدنيا اخرها قبر ولحد
************************
لو لاب توب حسن شاشتو تنخرش ما مشكلة
لو في القضايا المصيرية إنبذنا وننهرش ما مشكلة
لو يسن اخوي مابي العرس ما مشكلة
المشكلة الاربعة البشيلوك ممدد في البرش

--------------------------------------------------------------------------------

[salahb]

الروح تروح مامشكله ..

وتزيد جروحى علي جروح .. مامشكله ..

ينسى الفراش عطر الربيع .. مامشكله ..

ينسى الوديع ذوقو الوديع .. مامشكله ..

الشارى لو فكر يبيع ..

لو ضاعت الاعمار تضيع .. مامشكله ..

لاتبين شمس . لايهل قمر .. ما مشكلة ..

يبقى السحاب من غير مطر .. ما مشكلة ..

يرمونى فى نص البحر ويجيبوا لى أمي الخبر .. مامشكلة ..

لو هز صمت الليل برق .. مامشكلة ..

والقاش رحل خلى الشرق .. ما مشكلة ..

لو عمري بالشوق يحترق .. مامشكلة ..

لو رُحته ماجبته الفرق .. ما مشكلة ..

الدنيا تبقى بدون جليس .. مامشكلة ..

تبقى الليالى بدون ونيس .. مامشكلة ..

لو تـنسى ليلى حبيبها قيس .. ما مشكلة ..

تنسى العروس اسم العريس .. مامشكلة ..

المشكلة ..

ريدتك بقت هى المشكلة..

ورينى حل للمشكلة ..


=

الشاعر السوداني اسحاق الحلنقي

[جوهر الراوي]

أن يبدع صلاح ما في مشكله
لكن أن يتحدى الإبداع فتلك مشكله



روعة ياصلاح ما في مشكله

[aboaly]

.....لا ...لا دية كده ما كفاية يا جوهر يا إبداع....


عاوزينها قصيدة طويلة تحل المشكلة...العمل لينا أخوك صلاح

[جوهر الراوي]

المشكله في الحل وليس في المشكلة
فرق كبير بين التركيز في المشكلة والتركيز على حل المشكلة فعلى سبيل المثال
مثــال1
بينما كانت وكالة ناسا الفضائية تبدأ في تجهيز الرحلات للفضاءالخارجي واجهتهم مشكلة كبيرة، هذه المشكلة تتمثل في أن رواد الفضاء لن يستطيعوا الكتابة بواسطة الأقلام بسبب انعدام الجاذبية، بمعنى أن الحبر لن يسقط من القلم على الورق بأي حال من الأحوال فماذا يفعلوا لحل هذه المشكلة!!؟؟؟
لحل المشكلة
قاموا بدراسات استمرت حوالي 10 سنوات كاملة وأكثر من 12 مليون دولار ليطوروا قلماً جافاً يستطيع الكتابة في حالة انعدام الجاذبية، ليس هذا فقط بل والكتابة أيضاً على أي سطح أملس حتى الكريستال، وأيضاً الكتابة في درجة حرارة تصل
إلى 300 درجة مئوية.
الحل البديل
عندما واجه الروس نفس المشكلة فإنهم ببساطة قرروا استخدام أقلام رصاص كبديل عن الأقلام الجافة
مثــال2
ذات مرة باليابان وبمصنع صابون ضخم واجهتهم مشكلة كبيرة وهي مشكلة الصناديق الفارغة التي لم تعبأ بالصابون نظراً للخطأ في التعليب فماذا يفعلوا لكشف الصناديق الفارغة من الصناديق المعبأة!!!؟؟؟؟
لحل المشكلة
قام اليابانيون بصناعة جهاز يعمل بالأشعة السينية مخصص للكشف عن الصابون بداخل الصناديق ووضعوه أمام خط خروج الصناديق بقسم التسليم، تعيين عمال جدد ليقوموا بإبعاد الصناديق الفارغة التي فضحها الجهاز
الحل البديلفي مصنع آخر أصغر من السابق عندما واجهتهم نفس المشكلة فإنهم أتوا بمروحة أليكترونية وضبطوا قوتها بما يناسب وزن الصندوق الفارغ وتم توجيهها إلى خط خروج الصناديق بقسم التسليم بحيث أن الصندوق الفارغ سوف يسقط من تلقاء نفسه بفعل اندفاع الهواء
النتيجة المنطقية
أنظر لحل المشكلة ولا تنظر إلى المشكلة نفسها
فكر في الحل البسيط والأيسر
فأين المشكلة إذاً؟
المشكلة إنه ما في مشكلة..!!
الخلاصة: أنه في ناس بارعون في حل المشاكل بطرق سحرية وسهلة..والبعض الآخر بارع في تكبير وخلق المشاكل من لا مشكلة...

[غريب21]

الأخ صلاح حل المشكلة عندك وان حليتها مافي مشكلة وان عاوز تخليها بدون حل ما مشكلة وإن خليتنا مش عارفين حل المشكلة ما مشكلة
ابدعت في وضعنا في مشكلة مع المشكلة وبقول لك ما مشكلة

[admin]

]لو حطوا علي اسامينا دائرة ما مشكله=
كتبوها بحروف غائرة ما مشكله=
لو حتي ما جددوا عقودنا الحائرة ما مشكلة=
المشكلة نلقي مكان لينا ف اقرب طائرة=
************************************************** ********=
لو لبسوا شبابنا بامبرز او كافولة ما مشكله=
قبضوا قدام عينينا العموله ما مشكله=
حتي سكاتنا واحنا هارشينك يا فوله ما مشكله=
المشكله ان الاهلي ياخودش البطوله=
************************************************** ********=
لو الزمن جار علينا واترسم ما مشكله=
الحظ عاندنا وما ابتسم ما مشكلة=
حتي لو منابناش اي حاجة من النصيب ومن القسم ما مشكله=
المشكله ان غدانا يكون خالي من الدسم =
************************************************** ***

[salahb]

والله فعلا شارب من موية النيل ...وغلبتنا فيها ديه بس بكل روعة......بس عدل البيت ديه يا زملكاوي



الـمـشـكــلــه ان الاهـــلــــي مــيــاخـــودش الـبــطــولــه


طبعا أنت قاصد

الـمـشـكــلــه ان الاهـــلــــي يــاخـــودش الـبــطــولــه
.........................وعلى كل هاك هدية من صلاح أحمد إبراهيم



قصيدة الشاعر صلاح احمد ابراهيم:



ياقلبي دق لكن بشيش


من ديم مدينة ... وديم عرب ... وديم اب حشيش
للمينا... لي رامونا... او من اربعات لتراب هدل
ومن انقوياي ميل جاي وشيل عند الاصيل لمصفى شل
بالله هل...
شفت الورد في باقة ماشي وفي شفافيو بيندي طل
او لمحة من شباك اطل
شباكو شيش
ياقلبي دق لكن بشيش
لا ينفضح للناس هواك
قول ليه ناشدك من هناك
شايلني ليك براق شلع عبادي
شققني الاراك
دوخ شذاه الفجري من الاتبراوي
لحد جبيت
وقفني فوق جبل اركويت
قال لي دير عينيك تحت
شوف السما النزلت
وعامت في البحر
خذ ليك نفس املأ
شعاب رئتيك بشر
واسجد وطوف من بيت لبيت
تلقى الامل بالفرحة قوم ليهو ريش
اهدي الجواهر والحرير
بنت الامير
شقيانة في الحر لابسة خيش
نقرش قليبك بس بشيش
كم فيهو قاطع ليك وتر
قل للملاك وقتين سفر
سيد مهجتي الما ساد سواك
جاييك اموت مرتاح حداك
سميهو ......، سميهو جن ، سميهو طيش
اموت وتسلم لينا يا غالي وتعيش
اموت لبسمة تضوي في الثغر الجميل
زي نيل تبهرج بالقمر
الرملة والقيف والشدر
ليلك طويل بالغربة جاريها السهر
مانسيت مواثيقنا القبيل
اصدح بفرحتنا القلوب تصدح معاك
واموت وفي شفتي غناك
قرقورة لاصقة على الحجر
عصفورة ضاميها الوكر
مطمورة فضت ليها عيش
شبورة نازلة على الاراك
شبورة نازلة على الحشيش
وياقلبي دق لكن بشيش ...

[admin]

شكرا الف شكر علي القصيدة الهدية اخي العزيز salahb
وتم التعديل والف شكر علي المجاملة

[salahb]

كيف نرد على أدروب ؟

[salahb]

طولي!.....المشكلة



طولي..

طولي يا طول العدو

زي التقول ماطنّي مط

ماشي في الشارع عديل

وعشان طويل

يقولوا بتّاوق بي الحيط

رجليني الطوال

الاتنين شمال

رجليني جايات غلط

الناس رجولا قدُر كِده

تلبس في الجِزم

وأنا رجولي قَدُر كده

ألبس في الشنط!

طولي يا سبب الأذيّة

الناس طولها ميّة سنتي

وإنتَ ألف وخُمسميّة

الناس تِحت تصلي العشا

وأنا لسه شايف المغربية

طولي يا سبب الوجع

الناس لو دايره تتكلم معاي

إلا في كم وكم حاجة تطلع

أدنقر في الباب أقوم ألقي الباب هنا انقلع

أخش جوّه الأوضة

ألقى العرش ارتفع

طولي يا طول الهنا

الساعة ديك أظن أمي كانت تفكّر في برج

وبعد شوية جيت أنا

ولادتي كانت متعثّرة

وأظنها في كم سنة

الظاهر كل يوم تطلع 10 متر

ولسّه ما كملتَ أنا

وفي النهاية، يومي الإتولدتَ

شالتني الدهب ختتني في المخدّة

نايم جوّة في الأوضة

ورجليني برّة في البرندة

طولي يا البقيت لي دليل

مما دخلت المدرسة لا قريت أولى لا تانية

دخلت ساته عديـــل

قعّدوني في آخر كنبه عشان طويل

والشُفّع يقولوا طويل عنقوق

راسك ما فيو طايوق

عشان طويل

لكن نحنا الطوال

حصّلنا القمر في النجوم نتشال

نحنا طوال زي قصر الشباب والأطفال

[salahb]

الترجمة حسب الذوق!

[جوهر الراوي]

أضحكك الله يا صلاح ..... والله فطستني من الضحك عديل .... يا أخي ... الطـــــــــــــــــول (عز) زي ما بيقولوا... مش كده.....؟؟


يا صلاح عليك اللّه أديني من طولك شوية =وانا أهدي ليك أغلى هديّه



ياصلاح يقولوا الطول عز وشخصية = وانا طولي 165 سم . مش شوية..؟؟



كملي الباقي وليك مني أحلى تحية= واعزمك على فطور ويكون كمونية..!!!



وكمان على الغدا ويكون كسرى بالملوخية=والعشا كمان ويكون فول وجبنه وطعمية...



وبعدها أهدي ليك أجمل أغنية= طويل واسمر .. وعينيه عسليه..



أنت مستاء من طولك.يا صلاح.؟= والناس تقول الطويل مليان حنيّه


داير تنقص من طولك ياصلاح شوية =والناس تقول القصير فتنه مخفية..!!!


تعال للرياض العاصمة الأبية=و نروح لدكتور عظام في عيادة تخصصية ...

ونشرح له الوضع والعقدة النفسية=وهو يعمل ليك أسرع عملية ...


والتكاليف .. ولا يهمك ... خليها عليّه=أرتحت يا صلاح ... والا حتغير النيّه ..؟؟
تحياتي لك يا صلاح على هذه الشعر الرائع وعلى هذا الطول الفارع ....

[غريب21]

salahb عزيزي دائماً تضعنا في مشكلة الكميبوتر والمنتدى لا يتسع لهذا الطول الفارع فعلاً كلام جميل ولكن من كلامك هذا خريج مفيش داعي لدخوله المدرسةوالله انا محتاج لحلال مشاكل وفي انتظار المزيد من المشاكل بتوعك لان مشاكلك حلوة وايش المشكلة ما دام أخونا صلاح موجود ما في مشكلة

[غريب21]

أضحكك الله يا صلاح ..... والله فطستني من الضحك عديل .... يا أخي ... الطـــــــــــــــــول (عز) زي ما بيقولوا... مش كده.....؟؟


يا صلاح عليك اللّه أديني من طولك شوية =وانا أهدي ليك أغلى هديّه



ياصلاح يقولوا الطول عز وشخصية = وانا طولي 165 سم . مش شوية..؟؟



كملي الباقي وليك مني أحلى تحية= واعزمك على فطور ويكون كمونية..!!!



وكمان على الغدا ويكون كسرى بالملوخية=والعشا كمان ويكون فول وجبنه وطعمية...



وبعدها أهديك مني أحلى أغنية ...اللي مطلعها يقول:= طويل واسمر .. وعينيه عسليه..



أنت مستاء من طولك.يا صلاح.؟= والناس تقول الطويل مليان حنيه


داير تنقص من طولك ياصلاح شوية =والناس تقول القصير فتنه مخفية..!!!


تعال للرياض العاصمة الأبية=و نروح لدكتور عظام في عيادة تخصصية ...

ونشرح له الوضع والعقدة النفسية=وهو يعمل ليك أسرع عملية ...


والتكاليف .. ولا يهمك ... خليها عليّه=أرتحت يا صلاح ... والا حتغير النيّه ..؟؟
تحياتي لك يا صلاح على هذه الشعر الرائع وعلى هذا الطول الفارع ....

ماشاء الله رائع عزيزي جوهرعلى هذه الأبيات الجميلةوالطويلة متماشية مع المشكلة

[abu-saqr]

روائع .... الأخ صلاح ... يشكومن مشكلة الطول ... والأخ جوهر لديه الحل للمشكلة... وغريب 21 يقول لا مشكلة ..مع صلاح...
إذن مافي مشكله مادام المشكلة أصلا مش مشكلة واذا كانت المشكلة شكلها مشكلة فالمشكلة مش في المشكلة ومشكلة صلاح انه ما عنده اصلا مشكلة ومادام ما عنده مشكله اذن ما في مشكلة . بس المشكلة انه صلاح مشكلته مشكله .. والمشكلة أصلا انها ما هي مشكلة والحل للمشكله عند صلاح وصلاح ما عنده مشكله وجوهر ماعنده مشكله لأن عنده حل للمشكله والمشكله ان الحل لمشكله هي أصلا مش مشكله .والمشكله اني أنا ماني فاهم المشكله .. انتو فهمتوا المشكله أنا ما فهمت المشكله .. فهمتوا المشكله .. والا ..ما فهمتوا المشكله ؟ إذا فهمتوا المشكله حلوا المشكله وإذا ما فهمتوا المشكله لامشكله ... انا أصلا ما عندي مشكلة عشان تكون مشكله أنا مشكلتي مشكله مش زي اي مشكله مشكلتي اني ماني فاهم المشكلة والمشكله ماني شايفها مشكله . والله مشكلتي مشكله . لا.. ما هي مشكله انا أصلا ما عندي أي مشكله ..!!!!!!
فهمتوا المشكله...؟؟؟؟ فهمتوا المشكله ؟؟؟؟ فهمتوا المشكله ... حلوها...!!! ما فهمتوا المشكله مش مشكله عندي .

[aboaly]

يا أخوانا حصلوا أبا صقر.....الراجل اتلخبط ودخل في مشكلة جد......والحق على صلاح وكمان جوهر



والله يا رائع يا جوهر بطريقتك ديه أعتقد أن أخونا صلاح ما حيكون عنده مشكلة أبدا



قصيدتك أثبتت بما لا يدع مجالا للشك أنك شاعر بجد ....ولك خيال نقول فيه بسم الله ما شاء الله ولا قوة إلا بالله


أبدعت بجد