حبيب الشعب

[جوهر الراوي]

يابو متعب ياسحاب الخيـر يايسـر العسيـر=ياسحـاب طـول الأيـام يعطـي مـا نضـب
أنت خيرك ..مثل حبك .. مثل قـدرك كبيـر=انت سيفين علـي الظلـم مـن بينـه رطـب
ياملكنا وأنت لـلأرض وأهـل الأرض خيـر=ياذرانـا و ياغلانـا ويـا تــاج الـعـرب
نشهد إنك ياحبيب الشعـب مقطـوع النظيـر=خيرك أقرب من سحاب الوسم وأرموش الهدب
أنـت يـا أبـو اليتامـى وياريـف الفقيـر=وأنـت ياظـل المقليـن عـن حـر ولهـب
انت عـز وتملـك العـز مـن يومـك أميـر=وأنت تاج فوق راس الشعب من هلت رجـب
ياملكنـا خـادم البيتيـن يـا جبـر الكسيـر=ياجزيـل المـد والجـود حــلال النـشـب
مدك اللـي يشبـه البحـر يالبحـر الغزيـر=وعفوك اللي يرحـم الحـال ويزيـل التعـب
نصـرك لديـن الرسالـه وسحبـك للسفيـر=والمساكـن والرواتـب وترفـيـع الـرتـب
العسيـر يصيـر لاجيـت مطـروق ويسيـر=تحنـي الأغصـان للشعـب ويطـول العنـب
منجزاتك لـو تعـدد علـى المحصـي كثيـر=بـأول أعـوام الزعامـه وتتويـج اللـقـب
جعـل تبقـى ياملكنـا علـى طـول المسيـر=خطوتك في صفحة المجد خطـوه مـن ذهـب