محسوبك

[جوهر الراوي]

‏

أرجوك ثمْ آرجوك لا تجلب الهم=يكفينـي مـا جـرى في سالف حياتي


ليلي انطوى وآنا لين آصبح مسلهـم= ألـــوم حالي كيف آنا آهملت ذاتي


تقول الناس عنّي شاعر ومُلهم= وان البراعه ظاهره في سِماتي


هم مادروا عنّي ويا الفاهم إفهــم=سراب ٍ ما هو بْراوي اظْـمـا لهـاتــي


غشيمهم يحْسِبني راعي دراهم=ما يدري إنّي راصد ٍ ذكرياتي


يقول إني تاجر عقـارات وآسهــم=وان المصارف رِبْحها من غناتي



كل الجـديــد مْعَ الأناقــه لي يرهـــم=من هو يواظب عالأناقه شراتي


وسامتي بسبّة كريم ٍ ومرهــم=يزيّن المظهر ويخفي عناتي


ويا من يلفتْك شكلي لا لا توهّــم=حظي تعيس ونايم ٍ في سباتي


كـشّــر علـيْ وجـه الزمـان وتجهـّـم=محد ٍ عليْ عطف ولا آحد ٍ يحاتي


كل الشقآ شقاه فيني مدلهم=وآظنها كثْرَتْ عليْ سـيئآتـي

واللي مضـى مضى كمـا الليــل الآدهـــم=وآقلام همّي حبرها من دواتي

وكل النّـاس آخـيــر مـنـي وأشهـــم=و ظنّي بربـي ما يخيّب رجاتي

’،

جوهر الراوي