ماكل عله فادها طب دكتور

[ولد الشويعر]

ماكل عله فادها طب دكتور

ما كل من يضحك بدنيـاه مسـرورلو ضحكته دايـم تحـرك حجاجـه
وما كل من يبكي من الناس مقهـوربعض الدموع رخاص من شان حاجه
وما كل صادق لو حكا لك من شعوريا كثر من زيف المشاعـر خراجـه
وما كل ما يخفا من السـر مستـوربعض الوجيه ابين من ارهف زجاجه
وما كل بيتٍ بابه انصـك مهجـوركم بيتٍ اطفا الشح واهـج سراجـه
وما كل وردٍ تزرعـه ينثـر عطـورلو ماه صافي مـا يخالـط هماجـه
وما كل مرهف قلب لو يزرع زهـورقلب يحب الورد وهو مثـل صاجـه
وما كل من يخطي من الناس معذورالبعض يخطي من علـوم العواجـه
وما كل من يسكت على الظيم مجبورلجل الغلا ساكت ويدعـي انفراجـه
وما كل راسٍ ضيع الفكر مسحـوركم راس سحر الحب جاب ارتجاجه
وما كل علـه فادهـا طـب دكتـوركم من عليلٍ وصـل خلـه علاجـه
وما كل من شاور حكيمٍ خذا الشـوربعض البشر مـا يقنـع الا مزاجـه
وما كل من سمي صقر يشبه صقوركم من صقر وقت الشدايـد دجاجـه
وما كل فزاعٍ لجـل مـدح مشكـورالبعض مرجلتـه وسامـه وتاجـه



وسـلامـتكم

[salahb]

والله حكم منثورة ونظم رايع وبداية قوية يا ولد الشويعر -وإنت شاعر عديل وليس شويعر

[shob]

جميله جدا

وما كل من سمي صقر يشبه صقور كم من صقر وقت الشدايـد دجاجـه



اشكرك والى الامام

[جوهر الراوي]

بالبدايه أبتدي بسْم الغفور=ربّنا القيُّوم واسعْة ٍ فجاجه
ثُمْ آسطّر بالشِّعِر بعض الآمور=وكلّ واحد معترض يِبْدي احتجاجه
والكتابه ترتسم فوق السـطور = وكل حرف ٍ نادر ٍ يغري استدراجه
والشَّعِر هوْ ترجمان ٍ للشعور=وكلّ معنى للمعاني من إخراجه
وكلّ صوم ٍ ينتهي عند الفطور=وكل نور ٍ تشتعل فَتلةْ سراجه
والشّجاع إذا انهزم دمّه يفور=والجبان إذا غَلَب زاد ابتهاجه
والبشر هُم البشر عبْر العصور=وْأصلهم واحد عَرَبْهم والخواجه
و العروبه مْن المكلاّ إلى صور=ومن بغداد الصامده إلى قرطاجه
والشرور مْعَ المدى تْولّد شرور=وْكلّ شر ٍ يندثر إذا تِواجه
وكلّ خير ٍ مستمر وْله جذور=وكلّ فرعْ مْعَ الأصل لِه اندماجه
وكلّ طيّب نستمد منْه الحبور=والردي محشور في عنق الزجاجه
والفرج وان غاب يبقى له حضور =وكلّ كرب ٍ وان طغى له انفراجه
وْلا كلْ ضحكهْ والسّبب فيها سرور = وْلا كلْ دمعهْ ناتجهْ من انزعاجه
والخبر إذا ذِيع وْغدىَ منشور=ينتشر بين البشر لو به سماجه
وْلا كلْ شاعرْ يجذِبِه حبّ الظهور =وْحتى لو شعره لاقي ٍ له رواجه
وْلا كلْ منْ هوْ باللقب آصبح دكتور =صار يفهم أو علآ بالبرج عاجه
وْلا كلْ من ملك له دُور ٍ آو قصور=قد يحصّل من تمرّغ في عجاجه
و كلْ مراوغْ بالملآ يلف ويْدور=لابدْ يوم ٍ يعترف بالإزدواجه
وكلّ فاسقْ يلحقِه ويلْ وثبور=والغرور اللي بدآ يصبح لِماجه
وكلّ من ينادي في نشر السفور=يْحرّض الأمّه على نهْج الهماجه
والصّقِر هوْ سيّد لْكل الطيور=وكلّ طير ٍ دون فعله كالدجاجه
والبَحَر إذا غدرْ سفْنه تخور=والبحر لاهاج هاجت مِعْه آمواجه
لولوّه مَع مِرجانِه فيه مْغَمور=وْكنزه صافي ينتظر ساعةْ خَراجه
والقمر إذا اكتمل بدر البدور=إلى المجرّه جرّته جِرّة آبراجه
والعمر آيام وسنين وشهور=وكل عمر ٍ له نهايه في كراجه
والكتب قرآن ْ وْتوراة وزبور=والرب لْيا دعيته يالمرء ناجه
والمعالي تنشد القرْم الصبور=اللي بغاها لو بها قمّة احراجه
والمعارك ينتصر فيها الجسور=ومن يْخوض الحرب من غير ديباجه
والله يشكر من عباده كلْ شكور=والشكِر مفتاح ٍ للرّزق ومنهاجه
وكلّ زرع ٍ آصله يرجع للبذور=وكل باب ٍ تفتحه ذرفة مزلاجه
والنفوس الزّاكيه تهوى الزهور=وكلّ طبع ٍ يسحبِه نوع احتياجه
والبَعَض حي ٍ ولو كان مقبور=وْ صيته بين الناس كأنّه صنّاجه
وْكلّ سرْ إذا انتشرْ غدىَ مْخَبور=وْحتى لو هوْ غارق بْصدر اللجاجه
وكلّ مؤمن سالك ٍ درب العبور=وكلّ كافر هايم بْدرب العواجه
وديننا الإسلام بالخير مْعمـور =وكل داء ٍ بالوجود وْله علاجه
والله يعلم كلّ ما تخفي الصدور=وْيعلم اللي صاير ٍ قبل انبعاجه
والحياه اتنغّصها بعض الكدور=خصّ لا صار القنَط بادي حَراجه
وهاذي هي الدنيا مصدر للغرور =إن صار العبد فيها تابع ٍ مزاجه
وترى رحلة الموت لْيوم النشور=وبالقيامه كل ٍ بيلقى فُواجه
وبالنهايه ~ نحمِد اللي ما يجور= سبحانه وتعالى في كلّ حاجه
والصلاهْ على النبي مدى الدهور=ونور الحقّ منْه معلن انبلاجه

’،

جوهر الراوي